حب كداب بقلم وحيد احمد

حب كداب
------
ياما أشتكيتلك العيون
تبطل سوء الظنون
ومنى تقرب وتكون حنون
والجواب عندك كلام
وأسمعك مش قادر أصدقك
شايف خداعك بيغلبك
وكمان وعودك بتكدبك
تمللى تايهه بين الايام
حتى قلبي يوم ماصادفك
كان فاتحلك كل باب
معدتش من بابه عواطفك
لقاك بالنسبه له سراب
وقلبي اللى عايزك
أصبح رافضك
لأنه شايفك سكة عذاب
شايف حبك بترسمه
من كل حنانك بتحرمه
صوت الحب بتكتمه
الأنانيه فيك بتحكمه
مافيش ناحيته أهتمام
وأشوف عنيك الكدابه
أحساسي يلتزم السكوت
والاقى الصمت يغلبنى
وأأقول كدبه تعدى وتفوت
لكن قلبي يقولك كلام
يبان فى العين والننى
يقولك كفايه اوهام
وعدك خيال قدام منى
حتى خداعك لما يقابلنى
تحسه أيدى فى السلام
وأحس انك بتقتلنى
لما تحكى عن الغرام
ومافيش ود بينك وبينه
بينكم علامة أستفهام
ولأمتى انا هفضل أستنى
وأعيش فى انتظار أحلام
حلمى معاك مستنى حلم
بينا وبينه فراق وخصام
عشان كده بقولك سلام
------

وحيد احمد