الردتو مارادني
اسقمني بي عيونو
لازار ولا عادني
اغراني بي جمالو
زي الضرير قادني
مع اني قلبي عنيد
احترت كيف صادني
البغشى دنيا الريد
لابد همومو تزيد
والحاضن الاشواق
كيفن بيبقى سعيد
شارد مغيب فكرو
لايشوف فرح لاعيد
درب السهاد راجيهو
زولا مباري الغيد
يالراقي وين عهدي
وين فرحي وين سعدي
شايفك دوام نشوان
متهني في بعدي
خليني في النيران
بكره السنين بتعدي
بس الا يالمحبوب
كيف ترضى بي سهدي
احمد حسن المقلي
Aucun commentaire:
Enregistrer un commentaire