حرام
يالي أخدتوا القتل غرام
دم المصري كله حرام
اللي بيقتل مره ف شعبه
ولا بيشنق مره ف عسكر
اللي سقانا المر برعبه
كله خلا الدم إتعكر
كله اتفنن ف الإجرام
*****************
يالي بتكتب في التفويض
لسه نجاسة نفس الإيد
لسه بتملا ف ايدك دم
وتشربنا كئوس الهم
*************
يالا نقوم كلنا ونتوب
قبل مانرحل بالمقلوب
ويعذب فينا دم حرام
والنار تبقى هي المكتوب
***********
يالي ماتبتش م التأييد
لسه بترفع نفس الإيد
لسه بترفع راية الغم
ولسه الحق غريب وبعيد
**************
قوم اتوضا وصلي ياعم
واغسل ايدك بقى م الدم
خلي الحب مابينا يزيد
خلي جروحنا بقى تتلم
عصام_قابيل
Aucun commentaire:
Enregistrer un commentaire