- بموت
- أنا اللى بموت على الهادى
- و ماسك نفسى بالعافيه
- بشوف الناس تقول عادى
- و بضحك ضحكه مش صافيه
- أبص بعينى لولادى
- بدمعه ع الخدود دافيه
- هيبقو مستورين ازاى
- مدام الكفَه مش وافيه
- ولسه الدنيا بايعانه
- ولسه قلوبنا عطشانه
- عشان فيه خلق تعبانه
- واتارى النيه مش صافيه
- يا كلمة حق عشقانه
- بحبك و الكلام يااامه
- و بتمنى النهار يطلع
- وكل الدنيا فرحانه
- بقلمى \ محمد العربي
Aucun commentaire:
Enregistrer un commentaire