قصيدة حرامي قلوب ..بقلم /محمودصلاح السيد

((( حرامي قلوب)))
حرامي وطب على غفله
وسرق القلب فى سهوه
وشعلل نار الشوق جوانا
وخدنا كلنا علي خوانا
وضمنا فى صدره وبلفنا
صدق وقعنا فى محنه
يمكن أتأثرنا من الخضه
أرحمنا من جمالك وأعتقنا
وعديها على خير وأعمل قفله
يا تبعد عنا وتريحنا
وكفايه لحد كده تمرجحنا
ولا أنت ناوي تعذبنا
وتعمل حركاتك وتكدنا
وترمينا بسهامك وتدوخنا
صياد ولمتنا فى شباكك
وطوتنا كلنا تحت دراعك
عايزينك من الشبكه تسلكنا
أو نمسك الشبكه بأدينا نقطعها

بقلمي /محمودصلاح السيد

4/5/2016